24.8.04

Jæja, þá er maður snúin aftur til netheima. Reykjavíkurferðin var rosaleg. Ég er enn að mana mig upp í að kíkja á stöðuna á reikningnum mínum. Aldrei á ævinni hef ég verslað svona mikið.

Menninganóttin var MEIRIHÁTTAR. Með stórum stöfum. Stórkostleg! Segi ekki meir! Einhverjar myndir eru á mblogginu, en bara frá fyrri hluta kvöldsins. Sem var ekki sá skemmtilegasti.

Ohhhh, ég hefði einfaldlega getað farið að grenja á flugvellinum í gær. Aldrei á ævinni hefur mig langað eins lítið heim og í gærkvöldi. Helvítis helvíti. Er reyndar að fara suður aftur á mánudaginn. Sú ferð verður bara for buisness not pleasure. Kannski alveg smá pleasure. Jújú svona bland bara. Djöfull vona ég að Flugfélag Íslands fari á hausinn og öllum samgönguleiðum til og frá Reykjavík verði lokað fram að jólum.

Annars byrjaði ég í vinnunni í morgun. Er að vinna í skólanum. Ég var ekki búin að starfa þarna í 5 mínútur þegar ég hrundi niður allan stigann með tilheyrandi látum. Fall er faraheill eins og einhver vitur kona orðaði það.

Góðar stundir.

20.8.04

Ohh, eg sa draumaprinsinn minn i dag og kom svo stuttu seinna auga a kærustuna hans. Hef ekki seð einn sætan strak an þess að hann se með einhverja kerlingarbelju hangandi undir arminum. Svo sa eg lika manninn sem eg ætla að giftast. Hann veit það bara ekki ennþa. Verst að eg hef hvorki nafn ne simanumer til þess að lata hann vita af þvi. En eg hef tru a að þetta reddist. Björn Thors og Fjölnir Þorgeirs urðu einnig a vegi minum. Eg ætla einmitt að giftast Birni þegar eg skil við fyrsta manninn minn. Þess ma geta að eg sa einnig fjandkonu mina hana Rosu. Sem eins og er, eg endurtek EINS OG ER, er gift honum Jonsa minum. Þetta blessast allt. Hef engar ahyggjur þo að allir sætir strakar i heiminum eigi sætar, ljoshærðar anorexiukærustur. Nei engar ahyggjur.


19.8.04

mikið djöfull var eg að sja goða mynd! king arthur! fallegu karlmenn, jesus kræst on the kross sko! goða goða mynd. er komin a topp fimm yfir þær allra bestu! og er i fokkin fyrsta sæti þegar kynþokkafullir riddarar eru annars vegar!

ja þetta er bilað lyklaborð

er annars buin að fa vinnu i vetur. sem skaðar ekki þar sem allt bendir til að eg verði a barmi gjaldþrots eftir þessa reykjarvikurreisu mina.

en oooohhh king arthur, i´d give anything to be your princess ;)

veit ekki hvort eg a að fara a harið eða fame! jonsi eða björn thors? björn thors eða jonsi?

tricky buisness!

goðar stundir!

17.8.04

Jesús, María, Jósep og lærisveinarnir líka! Ég er að öllum líkindum að fara á FAME á fimmtudagskvöldið. Þetta er stærri viðburður en fæðing ófæddra barna minna. Sem ég ætla reyndar aldrei að eignast. Ég held ég eigi einfaldlega ekki eftir að höndla þetta. Á ég að sitja kyrr í sama herbergi og Jónsi? Og horfa á hann í innilegum faðmlögum við Álfrúnu án þess að hreyta út úr mér nokkrum vel völdum ókvæðisorðum. Það sem á mig er ekki lagt! Verð bara að passa að missa ekki kúlið eins og á LungAballinu. Tapaði alveg glórunni þar. En svo er ég líka alveg komin yfir hann. Þannig að þetta verður alveg í lagi. Kæmi samt ekkert á óvart þó ég gisti í fangageymslum lögreglunnar þessa sömu nótt.

Annars hefur fátt á daga mína drifið. Er farin frá Seyðisfirði. Grenjaði yfir alla Fjarðarheiðina og snökti allan Fagradalinn. Er komin í lag núna. Fór svo á Skítamóral á laugardaginn. Ágætis ball. Sonja reddaði partýi á Reyðarfirði. Ónefndur aðili ældi á skóna mína OG þegar nánar var að gáð alla löppina á mér líka. Sara hresstist öll eftir það. En skórnir eru ónýtir því ég virðist hafa týnt öðrum hælnum seinna sama kvöld. Og það virðist ei hafa vakið athygli mína því ég tók ekki eftir þessu fyrr en áðan. Ég er hætt að kaupa skó með hælum. Þetta er ekki í fyrsta, annað né þriðja skipti sem þetta skeður.

Jájá. Er að fara suður klukkan 11:55 í fyrramálið. Er ein heima núna og finn ekkert að borða. Svo er ekki til Aloe Vera jógúrt í þessar kaupfélagsómynd hérna. Ég verð þá bara hungurmorða.


4.8.04

Jæja, þá er einni bestu helgi sumarsins lokið! Alveg var þetta frábært. Minni fyrst og fremst á MBLOGGIÐ, mikið magn af gleðimómentum helgarinnar! Nú verður stiklað á stóru...

Föstudagur:

Lagt var af stað á grænu hettunni stuttu eftir hádegi. Fyrsta stopp var á Egilsstöðum þar sem fjárfest var í SINGSTAR. Hildur hin sjoppulega sá um að skemmta samferðarmönnum sínum með ódauðlegum slögurum á borð við “Lög unga fólksins” með Nylon og “I will always love you” með Withney Houston. En á miðri leið fer helvítið hann Haukur að vera með geðveika stæla og allt fer í uppnám. Afleiðingarnar urðu þær að hann eyddi helginni í hanskahólfinu. Eníveis, skvísurnar renndu í bæinn að verða fimm og var ÁTVR að sjálfsögðu fyrsta stoppistöð. Gengið var umtalsvert á LITE og ginbirgðir verslunarinnar. Um áttaleytið var helgin svo hafin fyrir alvöru. Búið var að tengja SINGSTAR og allir komnir með bjór í hönd. Þess má geta að það var Maja sem bauð í teiti. Klukkan að verða tíu var Inga orðin raddlaus, ég full og Sjússi búinn að stela súkkulaði úr ísskápnum. Eitthvað varð ég leið á fólkinu í kring um mig og lét mig hverfa í teiti í næstu íbúð. Þar sem teitisgestir voru einungis karlmenn og það sko ekki af verri endanum. Ég var að sjálfsögðu grand á því og bauð þessum nýju félögum mínum yfir í SINGSTAR. Svo hvarf ég víst eitthvað í þrjár mínútur...en hvert veit enginn! Við kláruðum svo að rústa íbúðinni hennar Maju, brutum m.a. blómapotta og stálum súkkulaði, eftir það var haldið í gríðalegt geim á tjaldsvæðinu. Minnið er svo eitthvað gloppótt en veit ég til þess að hafa endað á Papaballi. Svo var SUBWAY að sjálfsögðu heimsótt og eftir það haldið heim á leið. Inga kom svo með eina fleyga þegar við lögðumst upp í rúm, “Guðrún, við megum sko ekki sofna þá verðum við svo ógeðslega þunnar á morgun”. Við drápumst báðar áður en hún náði að klára setninguna. Ekki er vitað um afdrif Hellyar/Fittýar á föstudagskvöldinu!

Laugardagur:

Þegar við vöknuðum var haldið beinustu leið niður á torg til þess að bera goðin í NYLON augum. Vonbrigðin voru gífurleg þar sem þær hljómuðu eins og lélegir karokesöngvarar. Greifinn var næsti áfangastaður þar sem við snæddum pizzur og hálfmána ásamt Jóhanni Gísla og nýja vini okkar honum Sunda. Hvar er Sundi? Kvöldið hófst svo enn á ný heima hjá Maju þrátt fyrir blómapottavesen gærkvöldsins. Hvar er Sundi? Stoppið var reyndar ekki langt út af leiðinlegustu nágrönnum heims! Einhver karl kom upp og sagði að gólfin væru svo þunn að hann heyrði þegar væri prumpað. Ég skildi ekki upp né niður í hvað maðurinn var að segja og tuggaðist á því fram og aftur að það hefði sko ekki verið ég sem prumpaði. Þetta voru líka bara Inga og Kalli Bjarni sem voru með læti. Eftir þá uppákomu lá leiðin á NÝDÖNSK. Þegar á Oddvitann var komið lét ég Jóhann Gísla og Sjússa sannfæra mig um að selja miðann og koma á Jónsa í Sjallanum...þetta krafðist ekki mikillar sannfæringar. En einhverra hluta vegna er ég sú eina af okkur þremur sem kemst inn á ballið, ekki man ég alveg af hverju. Mér var svosem skítsama þar sem ég ætlaði bara að fara og sjá Jónsa minn. En NEI! Um leið og ég stíg inn í salinn eru þeir að fara af sviði og Skítamórall að taka við. Hvílík djöfulsins vonbrigði. Þannig að ég skellti mér út til Sjússa og við þræddum bara matsölubásana í staðinn. Byrjuðum á vöffluvagninum og enduðum í einum 12” á SUBWAY. Þar hittum við einmitt “nýju bestu vini” ferðarinnar, þau Jón Kolbein og Örnu. Héldu við svo með þeim niður á torg þar sem ég reyndi ítrekað að kaupa hass en án árangurs. Svo kemur einhver ógeðsmaður og sest hjá okkur og er alltaf eitthvað að koma við mig. Ég var að sjálfsögðu ekki lengi að kalla í einhverja Stígamótakerlingu sem stóð álengdar í gulu vesti og segja henni að þessi maður væri að gera tilraun til þess að nauðga mér. Henni fannst ég ekkert fyndin. Eftir langa leit fann ég loks Ingu (eða Eirík réttara sagt) og Hildi. Að sjálfsögðu var keypt pizza og svo haldið heim. Kemur þá ekki í ljós að Inga var drukknari en Eiríkur. Hvar er Sundi?

Sunnudagur:

Við vöknuðum eiturhressar um 11 leytið og gerðum ekki annað en að hlæja í svona 2 tíma. Ég og Hildur höfðum reyndar vaknað nokkrum sinnum um nóttina við samfarahljóðin í Ingu og Jóni Ólafs. Svo var lagt sig og svo að sjálfsögðu haldið á SUBWAY. En starfsfólkið þar var farið að þekkja okkur með nafni. Hvar er Sundi? Rúntuðum og fengum okkur ís, svo var sest að drykkju í fyrra fallinu. Reyndar fór meira niður á mig heldur en upp í mig. Svo var haldið á tjaldstæðið í gífurlegt teiti þar sem Inga tók að sér að kveikja í tjöldum fyrir þá sem vildu. Sjallinn var næsti áfangastaður en þar var einungis gert stutt stopp þar sem Hildur reif mig með sér út og enduðum við á ráfi um bæinn. Hittum Heiðar og fleiri góða. Fórum á SUBWAY (en ekki hvað?). Og hittum svo Stebba Jak. Já og við erum ekki vinir nei. Stálum líka peysunni hans. Hvar er Sundi? Hittum Ingu og Allan Má Newman á SUBWAY (þá var ég þar í annað skipti það kvöldið) og héldum við þrjár svo í bæinn aftur. Fittý kvaddi fljótlega og reyndi ég eins og ég gat að fá Ingu til að endast með mér til átta um morguninn. Það gekk ekki eftir.

Titlaviðurkenningar helgarinnar:

Vonbrigði helgarinnar: Var það án efa Maja sem varð fyrir vonbrigðum helgarinnar. Undirrituð braut forlátan blómapott þegar hún hrundi í gólfið. Var reyndar búin að henda honum þrisvar um koll og alltaf mætti Sjússi minn með handryksuguna. Svo hurfu 3 súkkulaðistykki úr ísskápnum without a trace. Einn liggur undir grun.

Þjófur helgarinnar: SúkkulaðiSjússi.

Votta Jehóvar helgarinnar: Inga Hrefna og Lísa Leifs. Gerðu ekki annað en að boða kristna trú alla helgina.

Súkkulaði helgarinnar: Jóhann Gísli.

Bjargvættur helgarinnar: Hildur Karen sem lenti næstum í slagsmálum eftir að hún kom Guðrúnu Veigu til bjargar. Ekki í fyrsta né annað skiptið þá helgina.

Setning helgarinnar: “Hvar er Sundi?”

Grúppía helgarinnar: Gunna Jörundar

Stebbi Jak helgarinnar: Stebbi Jak

Eiríkur helgarinnar: Inga Hrefna

Kaup helgarinnar: Gleðitjald Djúpavogsbúa.

Týnda manneskja helgarinnar: Margrét Elísa.

Stælar helgarinnar: Haukur

Fíkill helgarinnar: Jón Kolbeinn – sem reyndar skuldar dílernum 45 þúsund kall fyrir allt kókaínið sem hann reykti og verður hann því handrukkaður innan skamms.

Klósettferð helgarinnar: Guðrún Veiga og Guli.

Vonbrigði helgarinnar: Að komast að því að Guli ætti kærustu.

Dramaqueen helgarinnar: Inga Hrefna - sem var yfir alla hafin.

Hetja helgarinnar: Jóhann Gísli. Án hans hefði SINGSTAR verið dautt dæmi.

Tjald helgarinnar: Gleðitjald Njalla og Gunnars.

Hin heilaga þrennig helgarinnar: Guðrún Veiga, Jón Kolbeinn og Arna. Sem eyddu ALLRI helginni saman. Fyrir utan þegar Jón lá í eiturlyfjamóki fyrir utan Landsbankann.

Rödd helgarinnar: Inga Hrefna. “En hún verður sko orðin góð á morgun”.

Nýi vinur helgarinnar: Sundi.

Sundmaður helgarinnar: Hildur Karen sem synti út í Hrísey. Hvar var Sundi þá?

Stalker helgarinnar: Hörður læknir.

Peysa helgarinnar: Peysan hans Stebba Jak.

Lúserar helgarinnar: Allir sem fóru í Eyjar.

EKKI driver helgarinnar:
Guðrún Veiga.

Matsölustaður helgarinnar: SUBWAY. En ársveltan jókst umtalsvert eftir viðskipti okkar vinkvennanna.

Afmælisbarn helgarinnar: Sveinbjörn Orri, a.k.a Zorro.

Áfengi helgarinnar: Gin og LITE. Var eftirfarandi innbyrgt í skuggalegu magni alla 3 dagana.

Þjófar helgarinnar: Hildur Karen og Lísa Leifs sem gerðu sér lítið fyrir og stálu eitt stk síma.

Pikköpplína helgarinnar: “Hæææ, hvað heitir þú?” “Þú ert svo sætur”.

Vonbrigði helgarinnar: Kári vinur Jóhanns. En hann reyndist ekki jafn skemmtilegur og Sundi.

Handryksugari helgarinnar: Sjússi sæti.

Pabbar helgarinnar: Einar Bárða og Stephen Naulty.

Kokkar helgarinnar: Fittý og Heiðar Fernández