31.7.03

Enn er verslunarmannahelgin óráðin gáta en einungis 4 tímar sem þarf að redda og þá verður Akureyri staðreynd!

30.7.03

Umm..frí í vinnunni á morgun...ahhh...!! Kannski að ég taki mig til og fari með fallegasta meðliminn í ættinni á göngu...hún er 2ja ára og kallar mig "Gujún fænka"...algjört yndi!! Ég mun samt aldrei bíða þess bætur að þurfa að lifa í þessari nagandi óvissu í sambandi við verslunarmannahelgina...!
Mig langar svo hrottalega í nammi að ég næ varla andanum....allan tímann í vinnnunni áðan þá gat ég ekki hugsað um annað en súkkulaði en sjálfsaginn er magnaður hlutur og ég fór heim fékk mér kókglas...nánar tiltekið diet kókglas og fór svo á "kraftgöngu" með Hildi...sem endaði reyndar frekar snöggt af hræðslu við beljur sem urðu á vegi okkar! Eitthvað var Hildur hrædd um að þetta væri hennar síðasta og við myndum bíða bana þá og þegar og kom með eina fleyga setningu "ekki láta þær sjá að þú sért hrædd"... ég bendi á að beljurnar voru í c.a kílómetra fjarlægð frá okkur..ahaha...ég var nú samt reyndar skíthrædd...en einungis vegna þess að Hildur hræddi úr mér líftóruna en ekki beljurnar..!

Morgundagurinn er ansi spennandi...á slæman hátt! Þá kemur í ljós hvort að Akureyri verði staðreynd um helgina ásamt Sveinbjarnardætrum og einum fótboltafola sem ég fæ ekki að vita hver er...eða hvort að ég muni eyða verslunarmannahelginni í faðmi vistmanna sjúkrahússins!...ég verð nú að játa að fyrri kosturinn heillar mig meira og er von á miklu þunglyndi og sjálfsmorðshugleiðingum ef að það verður ekki niðurstaðan!

29.7.03

Lítið get ég sagt....nema kannski Maggý þú ert skepna... og munt svo sannarlega fá að gjalda þess að vera birta þessar myndir...ég sem var svo sátt við Stefán Svein að hafa falið þær svona vel..! Ég er samt þó nokkuð sátt við að vera kölluð "kexkakan"...finnst það fallegt..... en ég er samt sem áður ekki sátt!

Í dag er heil vika síðan að sælgæti fór síðast inn fyrir mínar varir! Slíkt hefur ekki skeð svo árum skiptir...eða hefur jafnvel aldrei átt sér stað..! Þegar ég kom heim úr vinnunni á laugardagskvöldið sat einhver hluti af því sem maður kallar ættingja við eldhúsborðið með Rís Buff...Ostapopp...Smartiessúkkulaði og annað ljúfmeti...! En sjálfsaginn var svo mikill að í biturleika mínum tyllti ég mér hjá þeim með hrökkbrauð, banana og gúrku...ímyndaði mér svo að ég væri að borða Galaxy Carmel og þá rann þessi viðbjóðslega hollusta ljúft niður! Fór reyndar í gær og fékk mér pizzu og brauðstangir með Hildi...en það er ekki nammi þó það sé eilítið óhollt?! Hún gerði nú heiðarlega tilraun til að fá mig með sér í golf í kvöld...sama og þegið....eina golfkylfan sem ég hef snert á ævinni er barnagolfkylfa úr plasti sem ég notaði einungis til að lúskra á bróður mínum með og það mun vera í fyrsta og síðasta skipti sem ég tek upp golfkylfu...

27.7.03

Eitthvað tók fólk færsluna hérna fyrir neðan eilítið of alvarlega....þetta átti nú engan veginn að vera eitthvað yfirdrull eða heiðarleg tilraun til að vera Seyðfirðingur!...Einungis eðlilegur biturleiki eftir tap folanna! Og bendi ég á að þetta er á engan hátt ætlað Eskfirðingum heldur Nobburunum sem eru megnið af liðinu og eyddu meirihluta leiksins á rassgatinu að reyna að sníkja aukaspyrnur....mér finnst Eskifirðingar skipa helst til lítinn sess af liðinu til að það sé réttlætanlegt að halda með þeim..! Þá tel ég þetta má vera útkljáð..!

En nú eru hjólin farin að snúast....ég er alveg að komast í innsta hring hjá Jónsa..! Hver haldið þið að sé sofandi í næsta herbergi við mig núna? Enginn annar en bróðir hljómborðsleikarans í svörtum fötum sem er kærasti frænku minnar..! Og ég gaf honum nú smá hint að Akureyri væri pælingin næstu helgi og hann hélt að það væri nú ekki málið að redda frímiða..baksviðteiti og fleiru...ég hef mín sambönd ég held að það sé nokkuð ljóst...!; )

26.7.03

Við skulum ekki tala neitt um leikinn sem átti sér stað í kvöld...(eða gærkvöldi, hvernig sem á það er litið...) ég gæti átt það á hættu að blóta einum of helvítis grenjandi aumingjunum í Fjarðabyggð sem gerðu lítið annað en að henda sér í jörðina og tefja leikinn!! En nóg um það..!; ) En þrátt fyrir þetta litla bakslag var dagurinn alveg svona ljómandi...ef svo má að orði komast ; ) Hildi tókst að vekja mig klukkan hálf fjögur í dag og narra mig í ljós og á örlítið bæjarrölt...ljósatíminn var voða fínn...þegar ég stóð upp úr bekknum fannst mér ég hafa tekið alveg rosalegan lit og trúði varla eigin augum en hann var allur farinn þegar ég leit í spegilinn hérna heima...en þetta var hvort sem er of gott til að vera satt þannig að I am still white..; )

Eftir það lá leiðin á fótboltaleikinn....sem ég er búin að steingleyma hvernig fór! Ég og Hildur fórum svo smá rölt...og nú var það ég sem bauð upp á Kristalinn..sem kostaði bæ ðe vei heilar 150 krónur...ég sem stóð ennþá í þeirri meiningu að gos kostaði 130!! Gjaldþrot er á næsta leiti geri ég fastlega ráð fyrir ef að gos fer svona asskoti hækkandi..! En hátindur kvöldsins var þegar við fórum á rúntinn á KKKRRRÚÚÚSSSEERRRIIINNUUUMM hennar Pebbu..!! Það var örlítill biturleiki í Ingu þegar við komum og reyndum að narra hana út...en þá var Pebba inda hás og heimtaði að Inga byði okkur á rúntinn á krúserinum..!! Það gladdi Ingu alveg óneitanlega að fá að vera ekta gella eina kvöldstund...eða í hálftíma og þá heimtaði Hildur að vera gella! En aðalgellan sat auðvitað aftur í....fyrst í góðum félagsskap Stellu og svo þeirra félaga Coalstraight og Ívars Dagssonar...kvöldið var voða fínt þangað til að Hildur fór að rifja upp einhvern óþarfa sora um mig og eitthvað sem kallast Samaust og Britney Spears...!! Tíkin sú arna...en hún bætti mér það upp með því að bjóða mér í kex og kók eftir rúntinn....reyndar ekkert homeblest en hún gerði sitt besta með því að tína fram allar hrökkbrauðstegundir í heiminum!! Endalaust fæ ég að heyra setninguna "þú bloggar ekki um þetta"....gekk nú einum of langt áðan kannski þegar Hildur setti lappirnar ofan á mig í sófanum og sagði "æj maður þorir varla að koma við þig því þú bloggar örugglega um það"...hahahaha...endalaust fyndið!

25.7.03

Fjarðabyggð vs Huginn innan klukkutíma...ég svík auðvitað ekki folana þrátt fyrir að vera á skrá yfir íbúa Fjarðabyggðar...nánar tiltekið Eskifjarðar!
Dauði og djöfull...ekki til neitt Homblest í býtibúrinu og ég er alltof myrkfælin til að fara að þvælast niður í eldús og sækja einn pakka eða svo! Það er bara til kremkex...ekki nógu gott....var samt einu sinni uppáhalds kexið mitt þangað til að það fór að fást í einhverjum kílópakkningum í Bónus og mamma og amma fóru að kaupa það eins og þetta væri síðasta kexið á jörðinni! Ég er búin að innbyrða einum of mikið af þeirri kextegund um ævina...
Í svörtum fötum eru á Vopnafirði um helgina...hver vill koma í útilegu..? ; ) Ohh...ég gæti farið á böll með þeim hverja einustu helgi...eða hvern einasta dag vikunnar ef út í það er farið..! Ég er að spá í að fara að safna svona pepsi-poppkortum...nema ég ætla ekki að vera venjuleg og safna myndum af Hirgittu Baukdal heldur af Jónsa....; ) Ég bendi samt enn og aftur á að ég þoli ekki karakterinn Jónsa...I just want his body..; )
Hvort á ég að kaupa mér nýjan síma eða stafræna myndavél?...nei mig langar ekki í síma með myndavél ef einhver ætlar að stinga upp á því..!

24.7.03

Það eina sem ég er búin að hugsa um í nótt er hvað ég á að gefa í jólagjafir....ég ætla ekki að leyfa sjálfri mér að gera það sem ég geri fyrir hver einustu jól....ég sem sagt hleyp niður í apótek á Aðfangadagsmorgun og kaupi baðsölt eða einhverjar olíur á línuna...það var nú reyndar eitthvað fátt um fínar jólagjafir í fyrra sökum bláfátæktar en buddan hjá mömmu kom sér vel að venju og baðsöltin vöktu mikla lukku...; ) Ég hef samt ekki komist að neinni niðurstöðu þar sem að dagskráin á bíórásinni var alveg helvíti góð í nótt....
Ég og Hildur vorum ægilega duglegar áðan og fórum á "kraftgöngu" eins og Hildur orðaði það..! Hún var nú reyndar svo voða spræk að hún vildi helst hlaupa...ég hljóp nú eitthvað minna samt sem áður! Svo fórum við og versluðum við fallega fólkið í Shell og Hildur bauð upp á Kristal...eitthvað er Stebba Jak-æðið að stinga sér niður aftur að mér heyrist...ég segi ekki meir Hildur mín..! En já...svo fórum við á rúntinn með Stellu og Ingu og svo með Eydísi og svo rak ég nefið aðeins inn "heima" og fór svo beinustu leið á næturvakt...sem verður búin innan skamms og þá fer ég beint upp í ból sem að Pjúlli garðyrkjumaður er eitthvað að reyna að fá að verma...not in a million years my friend..!!
Auðvitað þurfti Stella að vera "hálfedrú" eitthvað að væflast þarna á götuhorninu þegar ég var á leiðinni heim af ballinu og varð vitni af því að ég fór karlmannslaus heim...!! Svo þurfti hún nú einnig að rifja upp stutta heimsókn mína í bæjastjórabústaðinn á föstudagskvöldið....helvítið af henni..: ) Ég tek það fram að það var Hildur sem neyddi mig í þess heimsókn....ef heimsókn skal kalla....Inga hefur ekki ólíklega átt sinn þátt í því og örugglega einhverjir fleiri sem eru með kalt hjarta...ljúga í blásaklausa manneskju að synir Tryggva Bæjó væru folar og svo senda mann þangað?!?!....Hvaða fífl myndi svo sem láta senda sig þangað....?? ; )

23.7.03

Ohh...ég var að horfa á Popp-Tíví og lagið tímabil með svörtum fötum kom...ohh...ég gæti tekið Jónsa og smurt honum á kexköku og étið hann....nammmmm!! Ekki nema einn og hálfur tími þangað til að ég get farið að verma bólið mitt góða á Árstígnum....nema að sé einhver þar nú þegar að halda því heitu fyrir mig?!..Hver veit...
Samtals núna er ég búin að borða 22,2 grömm af kolvetni eða 3 Homblest kökur....það er farið að síga eilítið á pakkann! Kannski ráðlegt að láta Gunnu fela hann...annars er hætt við að fjórða kakan eigi greiða leið upp í mig!! Í úr kolvetnum og Homblesti í annað....klukkan er bara að verða 4 og ég hef ekki geispað einu sinni....þetta eru auðvitað stórtíðindi þar sem að ég hef þjálfað mig í að sofa standandi á næturvöktum! Kannski er ástæðan að ég lagði mig í dag, amma reddaði eyrnatöppum og alles....annars er amma nú bara endalaust falleg held ég ; ) Svona c.a einu sinni í viku þegar ég kem heim á kvöldin er allt hreint á rúminu "mínu" og búið að setja utan um það og allt ægilega fínt....hún vaknar alltaf á morgnana til að passa að ég sofi nú ekki yfir mig ef hún mundi ekki gera það væri sko löngu búið að reka mig!! Hún er endalaust alltaf að passa að mig vanti ekki neitt og passa að ég klæði mig vel...spyr alltaf hvort ég borði ekki örugglega það sem hún er að fara að elda....neyðir ofan í mig lýsi á morgnana og ég gæti haldið svona áfram það sem eftir er af nóttinni....hún er alveg einstök ; )...jæja ég má til að fara að vinna...ég á eftir að komast yfir 4 tölublöð af Nýju Lífi...1 stk Mannlíf og heilan búnka af Séð og Heyrt áður en nóttin er á enda...
Vissuð þið að það eru 7,4 grömm af kolvetni í einni Homblest kexköku...?!?...fegin að ég gleypti hana í mig og skoðaði svo innihaldslýsinguna!...Allt saman Hildi að kenna að ég er komin með einhver andskotans kolvetni á heilann!! Ég efast samt ekkert um að ég á eftir að éta hverja einustu köku í þessum kexpakka á þessari vakt...
Auðvitað var það fyrsta sem mamma spurði að áðan þegar ég talaði við hana..."hva..varst þú bara á blindafylleríi alla helgina?" ég auðvitað blásaklaus að venju "hhhaaa...af hverju helduru það?.." Þá fannst henni ég víst gefa það eitthvað í skyn á "heimasíðunni minni" ...eins og hún orðaði það ; ) Ég neitaði nú að ræða þetta mál frekar en benti samt aldraðri móður minni góðfúslega á að ég væri orðin 18 ára....sem er staðreynd sem hún hefur átt svoldið erfitt með að meðtaka...; ) En hún tók þessu öllu með ró konan....enda trúir hún engu slæmu upp á mig..; ) ...note to self: muna að mamma þín les bloggið þitt!!!....

Ég er annars á þessari fínu næturvakt að misnota þessa fínu fínu tölvu hérna....manni var nú boðið á rúnt áðan með Sveinbjarnardætrum...er samt orðin eilítið hrædd við Hildi...ég er ekki frá því að það sé smá sjúkleiki í gangi núna en ég var því helvítis miður beðin um að segja ekki frá því...ég sem var meira segja búin að ákveða hvað ég ætlaði að skrifa en nei...þá er því grýtt framan í mig..."þú skrifar ekki um þetta á bloggið þitt!!"...þetta er setning sem ég heyri æ oftar þessa dagana!!

22.7.03

Ég svík aldrei loforð Frú Sigríður...þó ég sé kannski helst til sein að efna þau ; ) Og nú vænti ég þess að þú sjáir einstaklega fallegan link hér til hliðar beinustu leið til þín frá mér : )
Helgin...!!

Þessi langþráða helgi stóð sko svo sannarlega undir væntingum og svo miklu miklu meira en það!! (...ég krefst þess samt að fá að vita hvar þessar myndir þínar eru niðurkomnar Stefán Sveinn...!!!!!)

Já....á föstudagskvöldið hófst gleðin í bláa húsinu við Múlaveginn....markmið okkar Hildar var þó aðallega að drekkja sorgum okkar og ljúka ferli okkar sem fatahönnuðir..!! Okkur tókst það nú alveg nokkuð vel held ég....ég byrjaði á að slétta hárið á nánast öllum í húsinu og hef greinilega gert það svo illa því að Stella var alfarið látin sjá um það á laugardagskvöldið...svo var mikið rætt um hvernig best væri að slasa mig til að ég gæti látið kalla út læknanemann til að bjarga mér... niðurstaðan var sú að langhentugast væri að slasa mig í náranum...bara að koma sér beint að efninu...; )...jájá...mér var líka bent margoft á að hann ætti konu/kærustu...það þorði hvort eð er enginn að slasa mig þannig að þetta plan fór alveg út um veður og vind! Eftir standandi partý á Múlaveginum var haldið í partý til Huldu Dóru....þar sem Inga Hrefna hélt uppi stuðinu með Júróvisíjónlögum....man ekki betur en hún hafi farið yfir allan tvöfalda safndiskinn...!! : ) Blöndu kvöldsins átti ég sjálf....ég hellti öllu áfengnu í húsinu í tóma Carlsbergflösku...fékk nú lítið að bragða á henni því Hildur gerði hana upptæka...og glossið mitt líka...stakk því einmitt í skoruna góðu! Ég er samt ekki alveg búin að átta mig á því ennþá af hverju glossið var tekið af mér..?!? Ég hefndi mín á henni með því að drekka einn líter af Bónus-appelsínusafa á leiðinni á hótelið (tellið..) sem þær systur höfðu ætlað í einhverja blöndu...hélt að Hildur ætti hann ein...annars hefði ég nú auðvitað aldrei drukkið hann...; ) Það var stórfínt þessar c.a 7 mínútur sem ég dvaldi á tellinu vegna þess að skórinn minn drap mig og tærnar duttu af mér og af þeim sökum hélt ég heim á leið...heim í eigin ból....það áttu sér sem sagt engar bólavermingar stað af minni hálfu þetta kvöldið! Ég fékk samt sms frá Ingu einhverntíma um 6-leytið þar sem hún kvartaði yfir því að hafa þurft að standa ein í vermingunum...þannig að það tók nú einhver eftir því að mig vantaði...allavegana tók sjálfur eigandi bólsins ekkert eftir því....! Kynntist samt voða mikið af nýju fólki þetta kvöldið...þó var það allt kvenfólk...; ( Ég kynntist 2 Lárum...Eydísi (sem lofaði bæ ðe vei að slasa mig en beilaði svo illa á mér!!)...laganema sem heitir Kristín Arna....frænku Sveinbjarnadætra sem heitir Maja....fleiri voru það ekki...ef svo er þá voru þeir greinilega ekki nógu eftirminnilegir..; )

Ohh...ef ég hef einhverntíma skemmt mér svona vel eins og á laugardagskvöldið þá er ég greinilega búin að gleyma því núna...!! Gleðin hófst enn á ný á Múlaveginum...var þó aðeins stærri í sniðinu en á föstudagskvöldið og leystist á endanum upp í alveg tryllt danspartý ; ) Spiluðum alveg ægilega skemmtilegt spil.....drykkjuspil nánar tiltekið..; ) Ég var auðvitað ekki með...en ekki hvað?!?! Ég hef samt engin orð til að lýsa ballinu....það var bara sjúklllleggt! Og fúll of surpræses....allt í einu pikkar Silja í öxlina á mér...ég var sko ekki búin að sjá hana síðan hún kom heim frá Ítalíu...þetta var alveg eins og í bíómyndunum, ég öskraði og öskraði alveg þangað til ég trúði að þetta væri hún og það var þó nokkur tími ; ) Mér lá sko beinast við hjartaáfalli! Svo birtist Guðni Baldur x-nágranni úr ME allt í einu fyrir framan nefið á mér en ég hafði varla séð hann síðan rétt eftir jól þannig að þetta allt saman var alveg ógeðslega gaman!! Já og auðvitað hitti ég loks Bylgju og frú...við mikinn fögnuð ; ) Dansaði allavegana þó nokkuð við beikonin góðu og gerði margar heiðarlegar tilraunir til að fá þær upp á svið með mér en ekkert gekk enda Bylgja með alltof lítið áfengismagn í blóðinu.....svo sá ég nú loks glitta í Ingu Hrefnu og hélt nú að hún myndi ekki beila á mér en nei hún hélt sko ekki....þá reyndi ég Stefán Svein en ekkert gekk þannig að ég fór bara ein til þeirra í pásunni og einhverjir voru nú að reyna að fá mig til að biðja um eiginhandaráritun á brjóstið en þegar á hólminn var komið vissi ég ekkert hvað ég átti að segja og bað Jónsa um eiginhandaráritun á ennið...sem ég fékk...auðvitað!! En hún hvarf fljótt í svita og annan ófögnuð!

Ég varð einmitt mjög mjög svo ástfangin af Jónsa þetta kvöldið! Hingað til hef ég ekki þolað karakterinn Jónsa en líkaminn Jónsi er allt annað mál! Allavegana þegar ég horfði á hann fara úr bolnum hélt ég að ég væri að sjá Guð, ljósið og allt saman!! Fjúffff....ég stóð nú vart í lappirnar sko enda eðalgrúppía!! Ummmm.....

Þetta var örugglega skemmtilegasta ball sem ég hef á ævinni farið á....allir ógeðslega sveittir að rekast utan í mann og annað ógeð en það var alveg í góðu því Jónsi var hálfnakinn....og þeir spiluðu nú nánast allan tímann...minnir mig; ) Allavegana dansaði ég alveg endalaust mikið! Ég gat allavegana alls ekki staðið upp úr rúminu á sunnudagsmorguninn...ég er sko ennþá með harðsperrur allsstaðar og marbletti út um allan líkama sem ég veit ekkert hvernig áttu sér stað!! Hildur dansaði einmitt sveitt við einn bólaeiganda úr Garði...ég kom nú og reyndi að grípa inn í og held að Inga hafi verið komin líka en skorudjöfulinn bar sigur úr býtum!

Já ég er örugglega að gleyma einhverju....en það kemur þá seinna! Allir sem gerðu þessa helgi svona eftirminnilega fá endalausar þakkir....Hildur Karen er samt ekki alveg í náðinni eftir atburði föstudagskvöldins....allavegana ekki fyrr en ég fæ nánari útskýringar á þessu með glossið!!..

20.7.03

Þetta var skemmtilegasta helgi í heiiiiiimmmmmi....!! Alltof þreytt til að blogga um hana núna....ohhh bara mánuður þangað til að ég hætti að vinna og vera hérna...ohhh....ég vil ekki fara heim...eða jú ég vil alveg fara heim í húsið mitt og til mömmu og pabba; )...en ég vil vera hér...!!!!! Sögur frá helginni góðu koma á morgun....Stefán Sveinn þú ert hér með beðin um að sýna ekki nokkrum einasta lifandi manni myndirnar sem þú tókst í gær...!!

18.7.03

Ég hef vart orð til að lýsa því hversu hneyksluð ég er á úrslitum fatahönnunarkeppninar....eins ótrúlegt og það kann að hljóma þá stóðum ég og Hildur ekki uppi sem sigurvegarar í kvöld!! Ég er auðvitað gráti næst og kenni Hildi nottla alfarið um þetta en hún fór beint heim og hengdi sig eftir keppni...en samt tókum við fyrst nokkara rúnta framhjá Garði...svona til að brjóta hjartað í mér alveg í þúsund mola!! Helgin er auðvitað ekkert nema í tómu tjóni...við neyðumst til að fara huldu höfði hérna í bænum...hvílík skömm að taka ekki einhverja fatahönnunarkeppni á L.ung.A í rassgatið....Svo má nottla ganga örlítið lengra og kenna Björt um þetta enda kjóllinn tileinkaður henni og ber nafnið Bright...eða bar nafnið Bright...ég held að hann sé farinn í ruslið! Ef að kjól skal kalla...! En við hugguðum okkur við það að það var allavegana minnst á kjólinn okkar....Helga Braga sagði okkur að hafa samband við Björk því að svanurinn væri örugglega úreltur og bauðst til að gefa okkur símann hjá henni..! En við gátum auðvitað ekki annað en neitað vegna mikilla anna á næstunni...síminn hefur ekki stoppað síðan sýningin endaði og megið þið búast við að sjá ansi marga íklædda rabbabara á laugardagskvöldið góða...þar á meðal mig og Hildi auðvitað! Svo fórum við nú á rúntinn með helvítis sigurvegaranum henni Þóreyju Birnu áðan og ég gerði svona c.a 7-8 misheppnaðar tilraunir til að stela verðlaunagripnum....enda var ég líka búin að rýma til fyrir hann þannig að ekki nema sjálfsagt að ég fái hann....þar sem ekkert gekk upp notaði ég tækifærið á meðan Þórey fór í sjoppuna og hélt þakkarræðu fyrir mig og Hildi vegna þess að í hjarta mínu þá stend ég uppi sem sigurvegari....og auðvitað Hildur líka...

Ég vildi þakka bara mömmu og pabba...og Hönnu Þórey fyrir að hafa alveg óbilandi trú á okkur á meðan allt var svart....Þórey Birnu fyrir að ganga frá endunum....afa og ömmu fyrir að eiga hvokri hníf né skeið....ég vil þakka Pebbu, Ívari og Kollu í kaupfélaginu, allt eru þetta nágrannar mínir sem hafa ekkert gert nema að styðja mig...Hildi vil ég þakka fyrir að klúðra sigrinum því annars hefði fræðgðin væntanlega stigið mér til höfuðs....á þessu ári sem kjólinn var að fæðast hafa svo margir komið við sögu og ég vil auðvitað ekki gleyma neinum...litlausa Shellfólkið fær endalausar þakkir fyrir óbilandi þjónustulund og vel útlátnar máltíðir... vinnufélögum mínum sem mættu allir sprækir með hvatningarspjöld og borða....Sorpa fyrir styrkja okkur til efniskaupa.....Palla Waage fyrir að eiga gulllitaðasta efni í heiminum...Inga Hrefna sem heimtaði að fá að vera módel sem varð svo til þess að Elsa var beðin og að lokum vil ég þakka með tárin í augunum bólfélögunum út í Garði, ég kveð ykkur í hinsta sinn eftir atburði gærdagsins...hjarta mitt mun aldrei bíða þess bætur...!

16.7.03

Ég hvet alla til að mæta á fatahönnunarkeppnina á fimmtudagskvöld þar sem ég og Hildur munum að öllum líkindum fara með sigur úr býtum..!! Annars er farið styttast ískyggilega í gleðina miklu um helgina...HildirHans & Kári á hótelinu á föstudaginn og svo held ég nú vart vatni yfir laugardeginum...!! Mest spennandi verður svo að sjá hverjir verma bólin inn í Garði í lok helgar..!! Sjálf mun ég ekki taka í mál einhverjar breytingar í bólunum og mun gera ýmislegt til að koma í veg fyrir þær...vill ekki að Inga né Hildur endi upp alveg heartbroken þrátt fyrir að þær séu búnar að afsala sínu bóli yfir til mín þá veit ég að svona sterkar tilfinningar dofna seint...!! Ég ver heiður þessa bóls fram í rauðan dauðann...!!

15.7.03

Ég fór í fyrsta skipti á 18 ára langri ævi minni á Vopnafjörð í gær....bólavermaranir 3 sáu um ferðina...sem sagt Hildur, Inga og Stella, eða bólavermaraferðir ehf eins og Inga kýs að kalla það..! Fyrst var nú hitað upp með pulsu í hinum ágæta söluskála KHB á Egilsstöðum enda síðasta dagur Hildar sem heilbrigð manneskja..! Við byrjuðum strax að hita upp fyrir ballið sem er eftir c.a 120 klukkustundir...sem sagt með í svörtum fötum alveg í botni! Svo var nú svoldið tricky að rata á Vopnafjörð og lentum í örlitlu þokuævintýri á Hellisheiðinni sem Inga á heiðurinn af að við komust lifandi frá...! Svo lentum við nú í smá problemi með að rata á Vopnafirði..en við skulum ekki útlista það neitt frekar..(ég verð að virða óskir bólavermaranna) en Stella mundi nú allt í einu að hún hafði verið þarna á Vopnaskaki 97 og einmitt haft viðskipti við hið ágæta Kaupfélag Vopnafirðinga á sama tíma...hún fór nú eitthvað að finna á sér við minningarnar einar...eftir nokkuð marga hringi rifjaðist það einnig upp fyrir Stellu að hún hafði nú einu sinni keppt þarna í fótbolta þannig að þetta reddaðist nú allt...fundum sjoppuna og fótboltavöllinn (á endanum) sem sagt allt í góðu nema kannski staðreyndin að Huginn tapaði fyrir Einherja 3-1....allt þessum helvítis Donnus..Anus eða whats his name....að kenna! Svo bætti nú ekki úr skák að maður varð næstum úti á að sitja í þessari svokölluðu áhorfendabrekku þeirra, svo í hálfleik vöfðu ég og Hildur teppi utan um okkur og ætluðum aldeilis að hlaupa inn í bíl en nei...ég varð auðvitað að fljúga alfarið á hausinn á drullublautan völlinn við mikinn fögnuð viðstaddra að mér sýndist....en er þó nokkuð stolt af mér að hafa gert mitt besta og reynt að halda andlitinu og hlæja þó að mig langaði mest til að grenja úr mér augun...! Seinni hálfleik var eytt í bílnum enda Einherjamenn með eindæmum ljótir og einhver folaforföll í Huginsliðinu en þó var auðvitað enginn skortur á þeim þrátt fyrir það og er samkeppin orðin ansi hörð um eitt bólið í Garði...hún er meira að segja komin út fyrir bólavermarana...hmmm...!! En við skulum bara segja að viðkomandi bólaeigandi hafi verið mikið að reyna að ganga í augun á mér og Ingu...sparkaði boltanum alltaf ítrekað nálægt bílnum hjá okkur þannig að samkeppnin er kannski ekki svo hörð..; )

Bitte...um leið og leikurinn var flautaður af var bakkað úr stæðinu og slasað nokkra...haldið í sjoppuna og birgt sig upp að nammi fyrir Hellisheiðina og fengum ég og Stella öllu að ráða um tónlist í bílnum á leiðinni heim...svo setti Stella upp sólgleraugun til að við sæjum ekki tárin..; ) Leiðin lá beint á grillið í Söluskála KHB þar sem við keyptum 16” pizzu...stóran frönskuskammt...brauðstangir...og 2 lítra kók...1/4 af pizzunni var eftir...allar franskarnar og ég er nú ekki viss með brauðstangirnar en Hildur sá um að gefa þær án leyfis!!! Maður náði nú ekki einu sinni að klára úr glasinu svo mikið var verið að flýta sér þannig að ég kippti bara glasinu með mér og gaf ömmu og afa í búið...það er ekki hægt að ímynda sér betra barnabarn..!! Stemmingin var rífandi á Fjarðarheiði...í svörtum fötum og með Dísu í rassgatinu...gerist ei betra; ) Ohhh...það er svo margt sem mig langar að segja frá meira...en verð að virða óskir bólavermaranna og friðhelgi einkalífsins!! Það fyrsta sem Stella sagði þegar ég settist inn í bílinn í gær var “það verður sko ekkert bloggað um þessa ferð”...en jæja það er víst ekki hægt að virða allar óskir...; ) Þó fékk Hildur mikið magn af slími oní skoruna...en það fylgdi með sem gjöf handa börnunum og ég komst að því að það er ekki hægt að drekka úr glasi í bíl og hellti c.a ½ af kóki beinustu leið ofan í hálsmálið hjá mér...enda þegar ég kom heim leit ég út eins og ég hefði verið fatalaus á margra daga ferðalagi...með drullu á rassgatinu og grasgrænu í buxunum...einnig var mikið magn af súkkulaði fast á lærinu á mér og megnið af peysunni með skemmtilega stórum kókblettum á..!! Smekkleg að venju!; )

Svo var skroppið í Egilsstaði í dag...einnig með bólavermaraferðum ehf. Kíktum í Sentrum og fleiri búðir í þessari líka ágætu verslannamiðstöð ; ) Einnig hef ég fengið óskir um að virða friðhelgi einkalífsins í þessari ferð...þetta er erfitt maður..!! Sjoppustopp og svo brunað heim...og þá einnig tekin létt upphitun fyrir helgina!! Fórum aðeins á rúntinn sem væri ekki frásögum færandi nema að Inga tók hann Pjúlla í spyrnu...svo var manni boðið í vídjó á Múlaveginum góða og var horft á 8 mile...fjúff Eminem er nú svoddan hönk þegar maður sér hann svona í öðru ljósi ef svo má að orði komast...frí í vinnunni á morgun...líf mitt er sko alveg endalaust fallegt!! Og ég dáist að öllum sem nenntu að lesa þetta..annars bað Hildur einnig fyrir kveðjum til Guðna nokkurs...

12.7.03

Já...Akureyrarferðin fór nú bara eins og best var á kosið....fyrir utan vegagerðina sem var andskotans allsstaðar og svo í þokkabót þá vinkar amma alltaf vegagerðarmönnunum sem í þessum tilfelli voru ekki svo ómyndó strákar...kannski á aldrinum 18-25 og þeir vinkuðu henni ekki til baka...; ) Fjárhagurinn hríðversnaði....tvennir svona támjóir skór...nærföt...u.þ.b 60 plastarmbönd eða svo...snyrtidót fyrir ekki svo lítinn pening úr Bodyshop og annað álíka nauðsynlegt s.s. venjulega brjálæðið sem ég fæ þegar ég stíg inn í "Asessorís..." og að ógleymdu SSSUUUBBBWWAAAYYY....þar sem alveg ótrúlega myndó strákur/maður var að afgreiða og hann söng upphátt með Bonnie and Clyde - laginu með Beyoncé og Jay-Z.....þannig að hann fékk nokkuð mörg prik !; ) Svo fór ég í eitthvað ægilegt rjómapönnukökukaffi til bróður mömmu...og svo í grillaða hamborgara til systur mömmu...þannig að ég efast um að ég hafi misst mörg kíló í gær en ég borðaði "subbinn" ekkert fyrr en í morgunmat þannig að ég tróð þessu nú ekkert öllu í mig á einum degi...; ) Annars held ég að þessi ferð hafi ekki verið mikið viðburðaríkari...nema kannski að heimkoma um kvöldmatarleyti dróst til miðnættis og kortið mitt þarf góða pásu...; )

Maður er hvergi öruggur...ég held að það sé nokkuð ljóst..!! Ég kom í vinnuna á miðvikudag tístir þá ekki í Sigurveigu hjúkku..."híhí ég var að lesa bloggið þitt..." svo mæti ég í sakleysi mínu í morgun þá byrjar Halla hjúkka að spurja hvernig hafi verið á Akureyri og hver vermi hvaða rúm inni í Garði...hún hefur einhverjar áhyggjur af því hver vermir rúm Óla...engar áhyggjur Halla mín...honum verður pottþétt ekki kalt ; ) En það er enginn öruggur í þessum heimi og ég á mér hvergi skjól fyrir villtum aðdáendum!!

En í aðalbólavermarana....manni var nú boðið á Múlaveginn í kvöld þar sem fór fram ansi spennandi spilakvöld þó að Inga og herra Jóhann Björn hafi séð um að deyða það í endann með endalausum baráttuvilja..!! En Inga má eiga það að hún bjargaði lífi mínu í kvöld þegar hún hringdi...ég hafði nefnilega sofnað í baðkarinu...ekki fallegt að drukka þar...= ) En já...við spiluðum Partý&Co...Eygló og Inga voru saman í liði...Hildur og Egill...og ég og Jóhann Björn...að venju var rifist um minn félagsskap..!! En heilinn á mér datt úr sambandi skömmu eftir að skipað var í lið og var ekkert á þeirri skálminni að hrökkva aftur í samband og þess vegna mætti alveg halda af atburðum kvöldsins að ég væri ekki ýkja gáfuð...en ég vissi samt alveg hlutina...þó að ég vissi þá ekki þá veit ég þá samt...get ekki alveg útskýrt þetta vandamál mitt en ég bendi samt spilafélaga mínum og mótherjum á það að ég var ekki alveg plugged in í kvöld..: ) Í hvert skipti sem við áttum að gera dæsti Jóhann Björn annað hvort "jæja Veiga" eða "jæja Guðrún"..(minnti mig einna helst á Davíð prest í fermingafræðslunni í den)...aldrei Guðrún Veiga og svo í endann var hann orðin svo bitur að það var bara "jæææja.." Svo tókum við eitt mjög mjög langt Trivial með sömu liðum þrátt fyrir heiðarlega tilraun Jóhanns til að skipta um félaga...; ) og jesús minn á jólunum....Inga var ekkert á þeirra skálminni að hætta fyrr en hún væri búin að vinna...um 2 voru allir orðinir voðalega þreyttir og ég stakk upp á að við myndum bara leggja okkur í klukkutíma en sú tillaga var felld...Inga vildi bara hafa sleepover og allir myndu vakna fyrir 11 í fyrrmálið til að klára...ég þarf vart að taka fram hvernig fór fyrir þeirri tillögu!! Svo var sæst á að Inga Hrefna og Eygló stæðu uppi sem sigurvegarar...held samt að Hildur hafi ekki hætt sátt og fóru ekki ósjaldan manndrápsaugu milli þeirra systra á meðan spilinu stóð...!! Ég tek samt fram að þrátt fyrir sambandsleysi vorum við í 2. sæti í Party&Co en við skulum ekkert vera að tala meira um Trivial-ið....svo var tekin rúntur og svo bara heejmm...shit hvað við erum samt heilbrigð ungmenni..!! Þó aðallega er þetta sparnaður fyrir næstu helgi þar sem allt heilbrigði og almenn skynsemi mun fjúka út um veður og vind..!!

10.7.03

Ég skrapp á Láruna áðan ásamt yngra eintakinu af Ingu Hrefnu...öðru nafni Hildur Karen!! Við þurftum að fylgja einhverjum ægilega myndó manni á eitthvað gistiheimili...var að spá í að fylgja honum bara hingað á Árstíginn...hann var svoldið hot ; ) En Hildur hélt því fram að hann væri eitthvað um 35 ára en ég er nú ekki svo viss um það...það var mjög augljóst að hún vildi eiga hann ein.... og hef ég nokkrar efasemdir að hún sé sofandi í sínu eigin rúmi núna...Inga hélt smá vasaljósasjóv við mikin og óvæntan fögnuð viðstaddra og svo var henni skutlað inn í Garð þar sem hún hefur eytt síðustu nóttum...ekki er samt alveg á hreinu í hvaða herbergi því að það er víst um þrjú að velja...þó að Stella vermi rúmið í einu þeirra en þá eru allavegana 2 eftir fyrir Ingu.... Einnig hef ég heyrt að Hildur sé eitthvað í einhverjum bólavermingum þarna líka...en sjálf held ég mig bara við Garðarsveginn....haha; ) En nóg um það...ég verð víst rifin upp á rassgatinu klukkan 6 í fyrramálið og haldið verður til Akureyrar uppúr 7...ég bendi á að amma keyrir langt undir hámarkshraða þess vegna verður lagt af stað næstum að nóttu til...heimkoma í fjörðinn fagra er svo áætluð um og uppúr kvöldmat...hvenær sem það nú verður...en kortið verður straujað það er ekkert vafamál...

9.7.03

Það kom einhver slökkvitækjasölumaður hérna í gær og ég er ekki frá því að hann hafi eitthvað verið að reyna að taka hana ömmu mína á löpp...!! Hann tyllti sér eins og fínn maður inn í eldhús og fór að spyrja hvar maðurinn hennar væri...amma sagði að hann væri í laxveiði og hann bara "ahhh..." seldi henni eitt slökkvitæki og hvarf út í nóttina...mér leist ekki á þetta og fylgdist grannt með hverri hreyfingu hans fyrir hönd afa...!! Segið svo að ég sé ekki besta barnabarn í heiminum....!! Læt sko ekki einhvern cheesy slökkvitækjasala vera eitthvað að reyna við ömmu mína...!!; )

7.7.03

Djöfull skemmti ég mér vel áðan...Huginn v/s Höttur og haldið þið að folarnir hafi bara ekki loksins sýnt sinn rétta lit og tekið þá í illa í rassgatið..!! Þetta fór sko betur en á horfðist í byrjun..!! Ég og Stefán tókum nú eftir því að brosið á Fögru var ekki breitt...en fögur var hún nú samt : ) En asskoti var nú samt einn myndó í Hattarliðinu...þessi númer 11 minnir mig...en hann skyggði auðvitað ekkert á stinnu lærin í Huginn...ohhh...ég gæti horft endalaust mikið á svona læri....Takk Inga mín fyrir að taka mig með...: )

Ahhh...lífið er fallegt...bara að vinna til 12 á morgun...og svo bara 15:30-22:00 á miðvikudag...og svo fer ég til Akureyrar á fimmtudag..!! Kem reyndar til baka samdægurs en Akureyri er alltaf Akureyri...en já...ég ætla að fara að láta mig dreyma um sveitt og stinn læri og reyna að botna í því af hverju Barry White af öllum mönnum þurfti að taka upp á því að hrökkva upp af..

6.7.03

Ég trúi ekki að Barry White sé dáinn...

5.7.03

Ég er að reyna að mana sjálfa mig uppí að kíkja á einkabankann og kíkja á stöðuna á reikningnum mínum...athuga hvað ég er búin að eyða miklu af fallegu fallegu laununum mínum...ég er nefninlega búin að vera ansi dugleg við að strauja kortið síðan ég fékk útborgað...!!

Ég er særð...10 ára frænka mín sem er búin að búa í Danaveldi síðustu 3 árin kom hérna áðan og mamma sagði.."hey Sara þú manst eftir Guðrúnu Veigu..?" Hún hristi bara hausinn og horfði á mig eins og hún hefði aldrei séð mig áður..! Hvílík hneisa...að frátöldum öllum klukkutímunum sem ég eyddi í að passa hana þegar hún var lítil! Djöfullinn..ég er greinilega ekki eins eftirminnileg og ég hélt...gleymd á 3 árum..! HUH....

3.7.03

Þetta var sorglegur leikur áðan...; / Þrátt fyrir mikið af stinnum lærum þá var þetta nú ekki fallegt...! Leikmenn Leiknis voru á aldrinum 45+ þannig að Huginn skaraði fram úr hvað útlitið varðar! Ég hef aldrei verið svona spennt þegar Fjarðahelvítisbyggð er að keppa þannig að framvegis er Huginn mitt lið...allavegana á meðan það er svona mikið af folum í því..! Fjarðabyggð hvað?....

2.7.03

Ég fór til Pöllu Waage áðan...(sem bæ ðe vei er orðin mín uppáhaldsbúð og Sigfríðar alveg greinilega líka)...og keypti mér bbblleeeiiikkkasssttta efni í heiminum og ætla að búa til pils..svo keypti ég skærbleikt belti og svo keyptu ég og Sigfríð okkur skærgrænt, skærgult og skærbleikt efni til að búa til svona únliðabönd....shit hvað við verðum hot : ) Svo létum við líka pranga inn á okkur einhverju neongulum böndum sem er alveg óákveðið hvað gert verður við..! Þó var Sigfríð eitthvað að spá í að kaupa bara marga metra af þessu og vefja utan um brjóstin á sér...enda Sigfríð óneitanlega smekkleg..!! Svo þarf ég bara að finna eiinhversstaðar neonlitað garn því að Sigfríð ætlar að biðja fallegu fallegu ömmu sína að prjóna legghlífar fyrir mig...! Svo var ég nú varla komin úr skónum þegar Sigfríð og Katla mættu hingað á þröskuldinn í leit að “hugmyndaflugi” eins og þær orðuðu það...þá var Katla líka búin að kaupa sér bleikasta efni í heiminum til að búa til pils...þannig að það er nokkuð ljóst að Seyðfirðingar eru mikið smekkfólk..: )
Svo er það Huginn – Leiknir klukkan 20:00 að staðartíma...svo næturvakt með Örnu Kristínu klukkan 23:30 einnig að staðartíma...
Ég er samt á vakt með konu sem er eilítið merkileg...Þorvaldur Davíð er bróðursonur hennar...! Ekki amalegt það! Ég er að reyna að koma ógeðslega vel fyrir og vera sæt...gengur hægt þó! Hún var að segja mér að hann væri svo agalega góður strákur...ég er að spá í að skreppa og benda henni á að ég sé alveg agalega góð stelpa....svona innst innst inni!
Ég er orðin svo þreytt að ég held ekki augunum opnum yfir Pulp Fiction þó svo að John Travolta um það bil kynþokkafyllsti maður sem tipplar um á jörðinni leiki í henni...mér hefur farið aftur...einu sinni gat ég ómulega sofnað yfir sjónvarpi sama hað væri í því..!! Ég finn hvernig ellin er að færast yfir mig...! Ég er ógeðslega svöng og það eina sem mig langar í akkúrat núna eru kjötbollur...þetta lítur ekki vel út...ég verð að komast upp í rúm...klukkutími og 50 mínútur...kill me...kill me nnnooowww...!!
Ég dýrka lagið Bring me to Life með Evanescence...þetta er alveg með flottustu lögum sem ég hef heyrt lengi!! Það er samt alveg langt síðan að ég heyrði það...ég var bara að gera mér grein fyrir því núna hvað mér finnst það flott....



Mig langar alveg ógeðslega í þennan disk...bara 2 tímar og 5 mínútur þangað til að ég get farið að sofa...
Það er lítið líf á þessari næturvakt þanng að ég horfði á þessi mynd...



Kom nokkuð á óvart sko...svo er hann svo helvíti sætur líka...og sá sem leikur bróður hans...úff!! Og svo dó hann..fór alveg með mig...ég má ekki við svona sorg...; ) Augnlokin eru farin að þyngjast ískyggilega...bara 4 tímar og 50 mínútur eftir..: )

1.7.03

Well hellúúú....
fjúúff...það kom einhver ægilega myndó læknanemi að vinna á spítalanum í morgun....Erla fór svona um það bil yfir um en ég minnti hana nú fimlega á hvor okkar væri á lausu þá róaðist hún; ) Já og Bylgja mín kæra ég held að þetta hafi bara verið einhver ástríðufull skyndikynni hjá Hildi og hennar nýja ástmanni....þú getur huggað þig við það!! En heyrðuru skilaboðin frá okkur í talhólfinu hjá þér....þar fékkstu að heyra sáran söknuð skal ég segja þér...: )

En já...ég fékk útborgað í dag...!! Ég held að ég hafi aldrei fengið eins fallegan launaseðil..: ) Keypti mér diskinn með Beyoncé og nýju bókina um Bridget Jones...sem ég er reyndar búin að lesa 2var og þurfti að útskýra fyrir mömmu c.a 4 sinnum í dag af hverju ég hefði keypt hana ef að ég væri búin að lesa hana...en ég ætla að safna bókum...ég ætla að eiga stórt bókaherbergi þegar ég verð stór..eldri meina ég...fullt af bókum..!! Ég er ennþá að taka út svefn eftir endalausa þreytu helgarinnar...svaf frá 4-8 í kvöld en reyndar af því að ég er að fara á næturvakt...ég þyrfti kannski að láta nýja læknanemann athuga hvort að ég sé ekki alveg í lagi...