29.6.03

Bloggið sem skrifað var á Skaftfelli var ritskoðað og þar með fjarlægt...það innihélt ýmislegt vafasamt, sem að ég kenni Ingu Hrefnu og Cecil presti aðallega um...enda Cecil ansi vafasamur maður þegar vel er að gáð...

En ég vil byrja á að benda öllum á sem að Inga Hrefna sagði að ég væri hlandblaut að svo var ekki...ég sast bara aðeins í blautt gras, þó svo að fleiri hafi viljað trúa því að ég væri hlandblaut! En föstudagskvöldið var annars bara alveg frábært! Ég ásamt gestum hélt uppi karíókístemmingu á hótelinu...eftir 14 lagið sem ég söng (og þar af fimm sinnum Like a Virgin...) var ég beðin um að leyfa öðrum að komast að og þegar ég neitaði því var ég nú bara beðin um að fara út! En ég tek það fram að ég held að ég hafi nú aldrei verið alveg ein að syngja...Hildur var ægilegur söngvari...tók nokkrar laglínur og dó svo úr hlátri! Ég held að Erla Ólafs og einhver kona sem heitir Arna...sú sem vinnur í Kiss og var einu sinni í Hagkaupslistanum...hafi verið dyggir stuðningsmenn mínir þarna...þær kláruðu allavegana heilt lag með mér annað en sumir!! Svo hittum ég og Hildur hann Guðmund Árna alþingismann....sleikjan hún Hildur sagði “uhh..ég dáist að þér en ég kaus samt Sjálfstæðisflokkinn”...ég sagði honum nú auðvitað að ég hefði kosið Samfylkinguna og hann var svo ægilega glaður og faðmaði mig í bak og fyrir að ég var hálf óttaslegin á tímabili...en hann var ekki á þeirri skálminni að taka Like a Virgin með mér þannig að við vitum hvern við kjósum ekki næst....Stefán Sveinn var búin að lofa að syngja Jingle Bells með mér en stóð ekki við það...helvítið af honum!! En Matchmeikör kvöldsins er defenantlí ég sjálf...ég fann þennan fína mann handa Ingu Hrefnu...sem var t.d. einn af þeim sem að hún sagði að ég væri hlandblaut en hún hryggbraut aumingjans manngreyið því að Geisli og Dóra áttu hug hennar allan! Brandari kvöldins var alveg móst definantlí brandarinn um leysiGeisla...lélegur en klassískur!! Titilinn fulla manneskja kvöldsins skulum við láta liggja milli hluta!! Svikari og lygari kvöldins er enginn annar en þú Stefán Sveinn...þetta með Jingle Bells verður seint fyrirgefið og þú getur örugglega aldrei bætt mér þetta upp því að mér verður aldrei hleypt nálægt þessu karíókítæki aftur...!! Pervertar kvöldins eru þeir félagar Viktor og Cecil því Inga var viss um að þeir væru að fylgjast með okkur pissa...þannig að hann Cecil prestur er nú ekki allur þar sem hann er séður!!...: ) Lag kvöldins ég held að það komi nú ekkert annað til greina en Like a Virgin...!!

Ég kom svo heim klukkan eitthvað að verða 6 og mætti svo eins og fín manneskja í vinnuna klukkan 8...geri aðrir betur! Inga og Hildur fá allar mínar þakkir...þó að Inga Hrefna megi vera þakklát fyrir að ég tali við hana en ég bendi enn og aftur á að ég tyllti mér bara rétt aðeins í blautt gras...ég pissaði ekki í mig!!

Biturleikinn út í Birgittu var svo mikill að maður lét sko ekki sjá sig á Norðfirði í gær heldur fór ég á Láruna til þeirra Sveinbjarnadætra og þess má til gamans geta að leysiGeisli heiðraði okkur með nærveru sinni...Ingu auðvitað til mikillar gleði og greddu!! : ) Ég fór ekki að sofa fyrr en að verða 5 og vaknaði ekki fyrr en fyrir svona c.a 2 tímum...akkúrat daginn sem enginn rigning er heldur 23 stiga hiti! En ég er í fríi á morgun þannig að það er eins gott að það verði aftur sól!...

27.6.03

Ég er svo þreytt að lappirnar standa ekki undir mér lengur! Ég var í vinnunni frá 8-12 og gerði nú reyndar mest lítið...svo er ég búin að vera að taka til og gera fínt svo að amma og afi sjái nú hvað þau eiga frábært barnabarn þegar þau koma heim á morgun...kannski verða þau svo himinlifandi að þau gefa mér húsið á Spáni...kæmi ekki á óvart skal ég segja ykkur..! En ég mun ei una mér hvíldar strax því samkvæmt Hildi á ég að fara að "djamma"...og þess vegna er ég farin í sturtu..ef að ég sofna þar að segja ekki á leiðinni þangað!
Þetta er ekki búið að vera minn dagur...ég ætlaði að búa mér til pizzu í kvöld og var komin með botninn og svona...átti bara eftir að setja sósu og álegg...þá var ananasinn myglaður...það var bara til ein skinkusneið...og enginn ostur!! Þannig að ekki varð víst pizza úr því! Bara núðlur í 435 skiptið síðan að amma og afi fóru...ohhh...ég var búin að biðja systur mína að kaupa stóran M&M Peanut Butter í fríhöfninni svo hringdi ég í hana í dag til að tjékka hvort hún hefði nokkuð brugðist mér...og viti menn..."æj sorrý ég var orðin svo blönk þegar við komum heim....ég keypti samt armband handa þér" Það er ekki hægt að treysta á neinn í þessum heimi! Mig langar miklu meira í nammi en armband...þekkir enginn mig eða? (Ég veit samt alveg að svona M&M fæst allsstaðar en ég er viss um að það sé betra úr fríhöfninni..)

26.6.03

Ég er ekki alveg með öllum mjalla í dag...það er pissandi rigning úti sem reyndar er óld njúvs en ég skellti mér hjólandi í kaupfélagið áðan og var ekkert að kippa mér upp við það að hnakkurinn var alveg rennandi blautur svo kem ég bara heim og finnst nú buxurnar límast eitthvað undarlega við mig og kíkti í spegilinn og það var eins og ég væri búin að míga c.a 4 sinnum í buxurnar! Þannig að fólkið í kaupfélaginu hefur sem sagt haldið að ég væri hlandblaut...smekklegt!! Hver finnur ekki fyrir því ef að hann er rennandi blautur frá rassgati og niður..?!? Greinilega ekki ég!

Sandra Rut hringdi í mig klukkan 9 í morgun...eða nótt á mínum mælikvarða! Akkúrat daginn sem að ég gat sofið fram eftir...ég veit ekki alveg hvað henni lá á hjarta...hvort að hún var að láta mig vita af því að hún væri komin frá Danmörku eða eitthvað...ég skellti allvegana á hana þegar ég gerði mér grein fyrir því hvað klukkan var! Góð vinkona að venju! Svo hringdi mamma í mig klukkan 10 eða eitthvað til að láta mig vita að ég yrði að muna eftir því að panta mér húðhreinsun...I have a brain, teink jú verí mötch! Ohh...hápunktur dagsins var þegar ég hringdi í Elko til að panta 8.seríu af Friends á DVD...ég á bágt ég veit...ætla að kaupa þær allar í sumar... svo spurði karlinn í Elko hvort ég væri búin að sjá alla þættina...HHAALLLÓÓ...Do jú have a brein?

Guðrún Veiga
Hlandblaut í kaupfélaginu
Ohhh...ég er í fríi...ohhh..lífið er fallegt núna! Væri samt fallegra ef að Birgitta Haudal væri ekki helvítis mella og hefði ekki beilað á ballinu sem átti að vera á morgun..!

25.6.03

Eins gott að það verði sól í dag svo að ég verði ekki bara brún hægra megin á andlitinu....ikke so smukke...
Ég sofna allsstaðar þar sem ég sofið...í dag skrapp ég út í sólbað og auðvitað sofnaði þar á annarri hliðinni þannig að ég er sem sagt skaðbrunnin öðru megin á andlitinu....svo ætlaði ég að leggja mig frá 4-5 í dag út af því að ég var að fara á næturvakt en ég vaknaði ekki fyrr klukkan helvítis hálf tíu og fékk auðvitað vægt taugaáfall og hringdi í mömmu til að tjékka hvort að klukkan væri virkilega svona margt...!...yes....nú er ég sem sagt nýkomin af næturvakt og er að fara að sofa....ég trúi samt ekki að það séu búið að fresta helvítis ballinu út af því að tussan hún Birgitta tvíbókaði sig..!!

23.6.03

You are Bob!
You are Bob Marley!


Who are you?
brought to you by Quizilla
Mig langar heeeeiiiim...! Mig langar að láta mömmu þvo öll skítugu fötin mín...mig langar í eldaðan mömmumat en ekki viðbrenndar núðlur og búðarpizzur eins og ég hef lifað á síðustu 2 vikurnar...mig langar að sofa í fallega fallega rúminu mínu...ég hef ekki lamið bróðir minn í næstum mánuð og komin með vott af fráhvarfseinkennum...mig langar að horfa á Bridget Jones í 203. skiptið...ég sakna fallegu fallegu vídjóleigunnar hans Trausta Reykdals, sakna hans samt lítið....ég skoðaði bókahilluvídjóleiguna hérna í gær og fann eina mynd sem að ég hafði ekki séð og það var Orange County og ég tók hana...þannig að sú bókahilla er búið spil!! Mig langar í herbergið mitt...græjurnar mínar...húsið mitt...mömmu mína...! Pabbi er ekki svo vinsæll lengur eftir mjög misheppnaðan brandara í dag þegar hann spurði.."er bara fullt af gæjum hjá þér"..ég sagði honum að það væri alveg fullt út úr dyrum...þá sagði hann "hva...eru þetta karlarnir af sjúkrahúsinu"...ég veit...ekki einu sinni fyndið! En hann hló svo mikið að hann átti erfitt með andardrátt og ég náði bara engu sambandi við hann eftir þetta því hann steindó bara úr hlátri...reyndi að koma honum í skilning um að heimskur hlær af sjálfs síns fyndni.. en nei...hann hló bara þangað til að ég kvaddi hann og skellti á...held meira að segja að hann hafi ekki náð andanum nógu snemma til að segja bless..
Ég þjáist af svefnsýki á alvarlegu stigi...það er nokkuð ljóst!! Ég þarf ekki nema að horfa á rúmið þá er ég sofnuð...ég fæ örugglega legusár fljótlega! Ég fór út að hjóla áðan...svona uppúr átta... ætlaði svo bara að fara í sturtu og sat á rúminu til að reyna að finna föt sem væru minnst skítug svo rankaði ég bara ekkert við mér fyrr en um hálf 11-leytið! Þannig að kvöldstundin með þvottavélinni fór í rassgat! En er nú samt búin að þvo einn bol og er að fara að skella einhverjum buxum í vélina...! Þannig að morgundeginum er bjargað! Svo er ég til allrar helvítis hamingju bara að vinna til 12...ahhhh....greinilega fegurðarblundur á dagskrá uppúr hádegi!! Og svo þvottavélin...ekki nema að ég gangi bara í skítugum fötum þangað til að amma kemur heim...sá möguleiki er alltaf fyrir hendi líka..; )

22.6.03

Hildur Karen kveikti smá ljóstíru í lífi mínu áðan þegar hún bauð mér á rúntinn!! En það var ekki lengi að slokkna á henni þegar við ákváðum að vera ógurlega menningalegar og fara á kaffihús og fá okkur tertu og kakó...allt í fína með það en fæ ég svo ekki SYNJUN á kortið mitt þegar ég er að borga!! OHH...þetta hefur aldrei komið fyrir mig áður...ég hef alltaf verið extra kjerfúl þegar við kemur þessu korti því að það er svo hræðilega hræðilega vandræðalegt að fá synjun!! En einhverntíma er allt fyrst og Hildur kom mér auðvitað fimlega til bjargar!! Og ég er svo guðslifandi fegin að það var ekki nokkur sála þarna inni sem varð vitni af þessu...

Ég var á vakt frá 8-16 í dag...var alveg fínt þó að ég hefði getað farið að grenja þegar ég þurfti að vakna klukkan 06:57 í morgun því að það er helvítis sunnudagur !! Drullaðist reyndar ekki á lappir fyrr en 07:35 og áttaði mig á því að öll fötin mín liggja skítug á gólfinu inni hjá mér...búin að setja svona c.a 3 í þvottavél síðan amma og afi fóru út og í morgun var gjörsamlega hver einasta spjör af mér skítug nema einhverjar íþróttabuxur...enda gífurleg íþróttamanneskja hér á ferð...kannski ekkert illa til fundið að skella í þvottavélina núna þó að ég nenni því ekki en ég fer víst ekki ber í vinnuna á morgun...!! Ætla að klára að dánlóda "Gossip Folks" með Missy Elliott svo er ég sest að í þvottahúsinu!!
Mig langar heim... Ekki það að þetta sé eitthvað leiðinlegur staður...mér bara svoleiðis alveg drepdrullu leiðist!! Og ég held að mér hafi aldrei leiðst á ævinni aldrei...fyrr en nú...!
Djöfull er ég brjáluð núna...ha !! Þeir sem lesa þessa síðu svona að staðaldri ættu að vera vel upplýstir um tannlæknavandræði mín..! Ég er búin að fara í svona c.a 8-9 tíma og í þessum tímum hafa fíflin náð að "gera við" 2 tennur og svo fær maður þennan fína reikning upp á næstum tvo tugi þúsunda en ég finn samt meira til í þessum tönnum áður en ég gerði nokkurn tíma áður en ég hætti mér í stólinn hjá þeim! Ég veit ekki hvað ég var að spá...þau líta bæði út eins og þau séu nýsloppin úr leiksskóla...helvítin af þeim!! En það er sko ekkert elsku amma eða mamma neitt meir...ég hringi þarna alveg snarbiluð um leið og þau opna á mánudagsmorgunin...þau eiga sko ekki von á góðu helvítis gerpin !! Ég hef ekki ósjaldan verið sögð mjjjjjööög orðljót og það ætti loksins að koma að góðum notum og ég mun ekkert vera að spara stóryrðin ég hef nefninlega reynt að koma þeim í skilning um það með pjúra kurteisi að þetta sé ekki nógu vel gert hjá þeim en ekkert virkar ....djöfull er ég bitur út í þessa fáráða...! Já og ég vona að þið lesið þetta helvítis tannlæknatittirnir ykkar...svo hef ég kemst einhverntíma heim á næstu árum því að ég er í 700% vinnu eða eitthvað álíka þá mæti ég þarna til þeirra, ríf reikningin í tætlur og ét hann svo...! Það kemur bara ekki til greina að ég fari að borga fyrir ekki neitt og frekar treð ég þessum pening beinustu leið upp í rassgatið á mér heldur en að láta þau hafa hann....og ef þau rífa sig eitthvað þá er ekkert mál að buffa þau bara...líta hvort sem er út eins og ótíndir lystastolssjúklingar þannig að ég ætti alveg að geta komið þeim fyrir kattarnef...!!

Guðrún Veiga

21.6.03

Oj barasta...ég er að horfa á Gísla Martein og Ásthildur Helgadóttir landsliðslessa er gestur hjá honum og ojjj...hún er eitthvað að reyna að vera kvenleg í pilsi og kom plampandi þarna inn á háhæluðum skóm sem að hún tók sig álíka vel út í og karlmaður..! Nópe félagi það fer þér bara að vera sveitt í íþróttagalla!! Asskoti fer hún í taugarnar á mér og það er nó dábt in mæ mænd að hún er mesta lessa í heiminum!! Svo finnst mér hún ljót og leiðinleg líka!!
Ég gæti auðveldlega steindrepist úr leiðindum...ég er sko alveg að hrökkva upp af! Djöfull finnst mér ég sjálf vera leiðinleg til lengdar...og asskoti er leiðinlegt að vera aaaallleeeiiinnn heima...djöfullinn hafi það...ef ég myndi tala eitthvað meira við sjálfa mig yrði ég hælismatur...!! Ég tilkynnti mor & far að ég færi ekki að heiman fyrr en ég "gengi út"...hvenær sem það nú verður..! Pabbi fékk væg einkenni hjartaáfalls og smá vott af taugaáfalli held ég en mamma var bara spræk...hefur greinilega trú á að ég muni nú einhverntíma "ganga út" Annars í vinnunni í morgun voru gömlu konurnar eitthvað að spurja mig og Örnu Kristínu hvað við ætluðum að læra eftir menntaskóla og sagði að ég væri að spá í að fara í lögfræði þá glumdi í einni kerlingunni "þú getur nú aldrei lært neitt því að þú verður bara hertekin af karlmönnum" og ég spurði hana af hverju í ósköpunum hún héldi það "því að þú ert svo falleg...og....ffffeeeeiiiitttt...!!" Var að pæla í að öskra á hana "hey þú ert bara feit sjálf".. og hlaupa út grátandi...en ég tók þessu með mestu sæmd því að hún sagði að ég væri falleg líka!! ; ) Kannski rétt að taka það fram að viðkomandi "kerling" er staurblind...
Ég elska Ruben Studdard...

Það er bannað að vera með stórar neglur í vinnunni því að þær geta meitt sjúklingana...og ég sem var búin að vera að safna síðan í apríl...enda fór ég næstum að grenja þegar ég klippti þær áðan...bara annað skiptið sem að ég er með eitthvað sem kallast geta neglur á ævinni...sorglegt! Ég er að fara að vinna klukkan helvítis 8 í fyrramálið og get ekki helvítis sofnað og ég get víst ekki sofið yfir mig 2svar í röð...en ég setti samt örugglega heimsmet í að vera ógeðslega fljót í gær...ég vaknaði klukkan 08:03 og var komin upp á sjúkrahús 08:07 og ég er ekki að ýkja...enda þegar ég var að klæða mig í fallegu fallegu "hjúkkufötin" sem að ég lít út eins og stór stór rjómaterta í rakst ég nú á sjálfa mig í speglinum og mér til mikillar gleði var ég með koddafar þvert yfir allt andlitið og var eins og krumpaður rass á gömlum karli í framan...það var svona rönd alveg frá hársverðinum á mér og niður á höku og hún byrjaði ekkert að hverfa fyrr en um 10 leytið eða eitthvað og ég var svo skítmygluð að það var bókstaflega sjónmengun...fjúfff...augun á mér voru sko innfallin!! Andlitið á mér er nú samt svona að mestu komið í sitt fyrra horf og ég ætla að vakna klukkan 06:57 í fyrramálið til að fyrirbyggja innfallin augu, rassakrumpur og koddafar...

Guðrún Veiga
Ómótstæðileg að venju..

19.6.03

Já...long time no see sko....10 dagar án þess jafnvel að kveikja á tölvunni...þetta er einsdæmi!! En það er svosum fátt um fína drætti hérna í firðinum "fagra" ef svo má að orði komast! En ég lenti alveg rosalega í því í gær maður...ég var á fjallahjólinu á leiðinni í Kaupfélagið þegar einhver Frakki labbar alveg upp að nefinu á mér og segir.."Exkjúsi moi"...og segir svo eitthvað mikið mikið meira...og ég gat nú miðlað svolitlu af frönskukunnáttu minni..."sjju nu parle pas fransei..." sem að þýðir eitthvað á þá leið að ég tali ekki frönsku...vona ég...en allavegana þá varð hann svo svaklega heillaður af mér að hann spjallaði bara og spjallaði eins og fínn maður...hann varð pottþétt skotin í mér...verst að hann var um sextugt og konan hans var með honum sem var farin að gefa mér ískyggilegt hornauga..!! Ég er heillandi...ég veit...

En ég elska vinnuna mína...gömlu konurnar eru alltaf að segja við mig hvað ég sé fallega vaxin...sé svo sterklega byggð og þrekvaxin og að stelpur eigi að vera með svona mjúkar línur...ahahaha...ég elska þær...!! Fólk hérna er nú samt svona að mestu leyti hætt að ráðast á mig á götum úti og tilkynna mér hvað ég sé lík ömmu þegar hún var ung og ég sé nú bara eftirmynd afa míns....en talandi um ömmu og afa...hmm...þau henda mér út þegar þau sjá rafmagnsreikninginn....ég sef með ljós kveikt á klóstinu, ganginum og í herberginu og svo er líka útvarpið í gangi...ég meina þeim var nær að skilja mig eftir eins og þau hefðu nú ekki bara geta boðið mér til Spánar?!?!...en allavegana ég er ekki hætt að "blogga"....bara smá pása sem er búin núna ég er nefninlega búin að vera að vinna alveg eins og skepna...eða svona á minn mælikvarða...

Guðrún Veiga..
Heillandi skepna

9.6.03

Ég kvíð allsvakalega fyrir að vera ein heima...þetta er alveg rosalega stórt hús þegar maður pælir í því...mörg herbergi...og það er nánast myrkur í því á nóttunni! Það lengsta sem ég hef verið ein heima er yfir helgi og ég svaf með öll ljósin kveikt og líka kveikt á sjónvarpinu....shiittt hvað ég er mikið barn ennþá...sorglegt..! Hver vill vera hjá mér?
Það er alveg rosalega erfitt að vera til þessa dagana...! Önnur hver manneskja sem ég hitti hérna æpir upp yfir sig..."Jööööminnn ekki ertu barnabarn Trausta Magg?" "Ohhh...þú ert nú með þennan sterka Traustasvip..."...!! Öllum heima finnst ég vera nákvæmlega eins og pabbi en hérna efast fólk jafnvel um tilvist föður míns...svo var í sakleysi mínu úti í gærkvöldi þegar Inga Hrefna systir hennar Hildar byrjar að skamma mig fyrir að hallmæla "firðinum fagra"... og að það væru sko túrbóljósabekkir hérna TAKK FYRIR!! Ég veit ekki alveg hvort að það stóð "Guðrún Veiga" á enninu á mér eða eitthvað en Inga Hrefna fær alveg stóra stóra afsökunarbeiðni...hún er nú nebbla að vinna með megninu af fótboltafolunum þannig að það er eins gott halda sig í náðinni...! En Hildur er samt sem áður ekki í náðinni....var svo aldeilis búin að "lofa" að ég fengi nú að sjá þessa 4 bari...en nópe...ég sá ekki tang né tetur af Hildi um helgina og þar af leiðandi hafa barirnir lítt verið kannaðir...! En það er víst helgi eftir þessa helgi ef þú vilt bæta fyrir þessi mistök Hildur mín...!!

Fór á fyrstu vaktina mína á síðasta fimmtudag...hún var nú bara svona alveg ágæt...fyrir utan inniskóna mína sem gerðu heiðarlega tilraun til að steindrepa mig...andskotinn hafi það sko...ég gaf næstum upp andann þegar ég kom heim og lappirnar duttu undan mér! Það er nefninlega einhver hóll í þeim sem stingst svoleiðis í helvítis fæturnar á mér að maður er alveg nær dauða en lífi...kæra hana Pöllu Waage fyrir að selja þessi drápstæki...já...önnur vaktin mín er túmorróv...sem sagt kvöldvakt frá 15:30 - 23:30...kvíð alveg allsvakalega fyrir að koma heim af henni því að þá verður enginn heima...allir að fara til Spánar nema aumingja aumingja myrkfælna ég...! Kannski að ég tjékki hvort að einhver fótboltafoli vilji vera hérna til að taka á móti mér þegar ég kem heim...

5.6.03

Horfði á "fegurðardrottinguna” hana Manúelu í Íslandi í dag áðan...og fegurðardrottning...MINN RASS!! Hún er flott og allt það en falleg...uuu NEI...sæt?...nópe ekki finnst mér það....hún hefur nákvæmlega ekkert nema líkamann..! Ég efast ekki um að hún hafi hent sér í gólfið þarna út í Panama í einhverju feik-yfirliði því nú er öll athyglin sem hún fékk þegar hún varð Ungfrú Ísland búin og drottningin bara orðin Manúela aftur....henni tókst allavegana með yfirburðum að næla sér í athygli þannig að hún yrði örugglega ekki gleymd strax....helvítis tussan!
Ókjei...það er vídjóleiga hérna...þó að hún sé ein bókahilla á Shellsjoppunni en skárra en ekkert held ég...! Það er heldur ekki alveg eins leiðinlegt hérna og ég hélt að það yrði! En það borgar sig samt að vera neikvæður því þá verður maður svo glaður að sjá að maður hafði rangt fyrir sér...!

Ég verð þokkaleg klappstýra á morgun á Huginn – Höttur....Hildur heimtar að ég máli mig gula og svarta í framan og auðvitað bregst ég henni ekki....geri ráð fyrir að hún geri það sama til að hvetja Bangsa sinn....: ) Ég kom hingað á þriðjudaginn og Sandra Rut og elskan mín hún Urður voru ekki lengi að koma og biðja mig að koma út...jújú ég fór með þeim út....litla barnið hún Urður heimtaði að við færum að róla og jújú við fórum að róla, svo fengum við okkur göngu og biðum eftir að Hildur Karen káraði að vinna og hún slóst í hópinn....svo kom Þórunn sem b.t.w.. verður á Spáni í allt sumar helvítið af henni...og bauð okkur á rúntinn! Svo fór ég út með Urði og Sigfríð í gærkveldi þannig að ég get ekki sagt að mér leiðist hérna sko....get samt ekki sagt að mig langi að byrja að vinna...vill bara sofa fram að hádegi, bora svo í nefið og fara út á kvöldin...

Sé ekkert eftir því að hafa ekki farið í bæjarvinnuna lengur...fékk alveg upp í kok þegar ég var að hjálpa ömmu að hreinsa arfann í stéttinni í dag...ohhh...ég er svo gott barnabarn...Hildur er alltaf eitthvað að röfla að það séu 4 barir hérna...ég get bara ekki beðið eftir að sjá herlegheitin þannig að það er eins gott að Huginn vinni á morgun...

3.6.03

Ég held að það sé ekki vídjóleiga á Seyðisfirði...hvernig í ósköpunum á ég...Guðrún Veiga Guðmundsdóttir nánast fanatískur vídjósjúklingur að meika lífið þar?! Ég sé ekki fram á bjarta daga! Svo drullukvíð ég fyrir að byrja að vinna á sjúkrahúsinu....er að reyna að segja mér að þetta sé þroskandi og að það sé alltaf gaman að læra eitthvað nýtt en það gengur hægt! Það huggaði mig þó ótrúlega að sjá Jóu út í kuldanum í gær að vinna í bæjarvinnunni og vita að mér yrði örugglega hlýtt í allt sumar...en svo þegar kemur sól þá verður Jóa brún en ég verð bara hvít áfram og það er örugglega engin helvítis sólbaðsstofa á Seyðisfirði...eða hvað? Ohh...og ég sem var svo voða voða brún í fyrra...nú langar mig svo að vera í bæjarvinnunni...! En mér hlýnar aðeins um hjartarætur að vita að ég fæ næstum helmingi hærri laun en ég fékk í þessum skítaskíta”umhverfishóp” sem að ég var að vinna í í fyrrasumar....svo hlakka ég ekkert ægilega til að vera á Seyðisfirði í allt sumar...veit samt ekki af hverju...um daginn hlakkaði ég svo mikið til að ég vildi helst fara þangað strax en nei ekki lengur...veit ekki alveg hvað er að hrjá mig! Þarf mjög líklega að heiðra Seyðfirðinga með nærveru minni í dag vegna þess að ég á að byrja að vinna einum degi fyrr ; (

En burtséð frá því ætlaði ég nú aldeilis að hreiðra um mig fyrir framan sjónvarpið áðan og horfa á einhverja framhaldsmynd á RÚV um Marilyn Monroe...sem að ég hef haldið alveg ótrúlega mikið upp á alveg síðan ég sá hana fyrst og hlakkaði ekkert smá til að horfa á þetta en dauði og andskotans djöfull...leikkonan sem lék Marilyn var gjörsamlega hörmuleg og skilaði sko alls ekki sínu! Hún var engan veginn of falleg til að leika hana og Marilyn var heldur ekki með hlandgult hár... djöfull var ég bitur og svo í þokkabót var þessi leikkona alveg skelfilega ljót! Svo stangaðist myndin á við allt sem að ég hef nokkurn tíma lesið um Marilyn og það er nú alveg slatti...þetta var bara djös rugl og ég er alveg sármóðguð!! En man einhver hvað myndin sem að Ashley Judd og Mira Sorvino léku báðar Marilyn í heitir? Ashley lék Normu Jean en Mira lék hana þegar hún var orðin Marilyn...veit einhver?!? Langar alveg agalega að sjá hana aftur...

2.6.03

Ég gat bara engan veginn sofnað í gærkvöldi og lenti í ansi heimspekilegum pælingum....pældi til dæmis mikið í því hvað vændi hlyti að vera erfiður buisness.....velti því fyrir mér í næstum hálftíma hvað Raufarhöfn væri mikið skítapleis....eyddi nokkrum mínútum í að vorkenna Dóru Taaakkkkaaafúsa en mundi svo að mér finnst hún leiðinleg og með ljótt hár þannig að ég hætti að vorkenna henni....spáði líka mikið í því hvort að mannakjöt væri líkara lambakjöti eða nautakjöti á bragðið og hvernig það væri eiginlega á bragðið...langar samt ekkert að smakka..! Svo fór ég að pæla af hverju í andskotanum ég hefði byrjað að blogga og ég neyðist til að kenna Bylgju alfarið um að hafa hrakið mig út í harðan heim bloggara....var allavegana alltaf að lesa síðuna hennar og freistaðist svo til að prufa sjálf....freisting er verkfæri djöfulsins...! Seinasta pælingin áður en ég hvarf inn í draumalandið um fjögurleytið var að ég hef aldrei séð karlmann gráta nema við auðvitað aðstæður sem allir gráta við...ég meina grenja úr ást eða eitthvað...út af einhverju sem stelpur myndu grenja yfir...svo fer ég líka alltaf að hlæja þegar karlmenn fara að skæla í bíómyndum...var bara að pæla hvernig ég myndi bregðast við ef ég sæi strák vera að grenja yfir einhverri stelpu eða eitthvað þó að mér finnist það ekkert asnalegra en að stelpur væli yfir strákum...bara skrýtið...man ekki alveg hvernig þessi pæling endaði samt..

1.6.03

Held að dagar mínir sem félagsskítur séu taldir...! Og auðvitað er það Söru að þakka...: ) Ég hafi sko ekkert í hyggju að fara á ballið í gær....var með ljótt hár og átti engin föt...svona þetta venjulega sem hrjáir mig fyrir böll! En það gekk bara engan veginn að koma Söru í skilning um það að ég ætlaði ekki....og hvað þá Sonju!! Sonja mætti bara eins og fín manneskja hérna fyrir utan dyrnar og ætlaði bara að sækja mig....svo byrjaði hún að kalla “Gummi Gylfa” inn um póstlúguna...nei hún var ekki edrú en ég ætla samt rétt að vona að pabbi hafi ekki heyrt í henni...! Ég lét nú til leiðast eftir að Sara var mætt líka...ekki svo mikið edrú heldur! Þannig að ég fór inn, klæddi mig, greiddi mér og málaði mig á 10 mínútum...ég endurtek 10 mínútum og fór svo með Jóu í partý til Vignis!

Það var nú bara svona allt í lagi....en svo fórum við á ballið og ssssssssshhhhhiiiiittttt hvað var gaman...Sara mín ég er þér endalaust þakklát en Sonja þér er ekki fyrirgefið atvikið með póstlúguna! Ég fór nottla beint inn á klósett og þar lék Sara á alls oddi! Kalli Búa var nebbla að fara að henda Tinnu Alavis út en Sara ætlaði ekki að taka það í mál, gargaði bara og gargaði "hún á afmæli 16.mars fíflið þitt”.... hún á nú reyndar ekki afmæli fyrr en 31.júlí en Söru tókst svo vel upp að þeim var báðum bókstaflega grýtt út af ballinu....en ég varð nú eitthvað vör við Söru í endann og fær hún titilinn “fulla kona kvöldsins” og er hún vel að honum komin! Hún var gjörsamlega á eyrunum og ég er ekki frá því að hún hafi gert heiðarlega tilraun til að koma Kalla Búa fyrir kattarnef!

Ég komst ekkert út af klóstinu í bráð....varð nebbla fyrir barðinu á fyrrum verkstjóra mínum og nágranna, starfsmanns Trausta Reykdals og hjásvæfu Andrésar henni Siggu Rósu og Freyja systir hennar bæjarvinnukona var þarna líka....báðar blááááedrú að venju! Við komumst einmitt að því að ég þriðja dóttir pabba þeirra....sem ég var ansi dugleg að baka drullukökur handa þegar ég var lítil og honum hefur ekki tekist að gleyma því! Nú er mamma þeirra sú eina í fjölskyldunni sem hefur ekki orðið fyrir barðinu á mér og er það á dagskrá von bráðar! Sigga fær samt titilinn “geirvarta kvöldsins”... hún ætti að vita hvað það merkir....: )

Ég gerði heiðarlega tilraun til að vingast við Bjössa bróður hennar Söru en hann átti alltof marga vini fyrir þannig að ég komst ekkert að honum....reyndi samt að blikka hann og er nokkuð viss um að hann hafi blikkað mig til baka...þess vegna fær hann titilinn “nýi vinur kvöldsins!”

En þetta var alveg ógeðslega skemmtilegt ball í alla staði....og titilinn “grúppía kvöldsins” fæ ég sjálf fyrir að gera heiðarlega tilraun til að komast upp á svið þegar Króm var að spila en helvítis dyravörðurinn kom í veg fyrir það...helvítið af honum og eftir ítrekaðar tilraunir hótaði hann að henda mér út þannig að ég neyddist til að hemja mig...! Það gekk að venju illa...

Fór í einhverja ægilega skírnarveislu hjá nýjasta fjölskyldumeðliminum í dag...fjúff...til hvers eru skírnaveislur eiginlega? Til að drepa ættingjana úr leiðindum? Og eins og venjulega þegar ættingjar mínir koma saman var umræðuefnið sjávarútvegur....djöfullinn hafi það sko...ég hélt þetta væri mitt síðasta! En ég hafði það af með naumindum...
Aðeins 3 dagar í brottflutninga til Seyðisfjarðar...